Եվրոպական խաղեր. Հայ բռնցքամարտիկների մրցակիցները
18:47 15 հունիսի, 2015Բաքվում տեղի է ունեցել Եվրոպական խաղերի բռնցքամարտի մրցաշարի վիճակահանությունը: 10 քաշային կարգերում պայքարին մասնակցում է 67 կին և 211 տղամարդ: Հայաստանը ներկայացուցիչ ունի 6 քաշային կարգերում: 49 կգ քաշային Արտյոմ Ալեքսանյանը պայքարը սկսելու է 1/16 եզրափակիչից: Նա հունիսի 19-ին ուժերը կչափի Իսրայելը ներկայացնող Դավիդ Ալավերդյանի հետ:
52 կգ քաշային Նարեկ Աբգարյանը 1/16 եզրափակիչում կմրցի հունգարացի Կսոկա Նանդոր - լեհ Յոզվիկ Մարցեյ զույգի հաղթողի հետ: Մենամարտը տեղի կունենա հունիսի 20- ին: Հունիսի 19-ին ռինգ դուրս կգա 56 կգ քաշային Արամ Ավագյանը: Նա ուժերը կչափի Սիլվեստր Կոզլովսկի ( Լեհաստան ) - Ստեֆան Իվանովի ( Բուլղարիա) հետ:
60 կգ քաշային Սամվել Բարսեղյանը պայքարը կսկսի 1/16 եզրափակիչից: Բուլղարացի Էլիան Դիմիտրովի հետ մենամարտը տեղի կունենա հունիսի 20-ին: 64 կգ քաշային Հովհաննես Բաչկովի առաջին մրցակիցը մեկ այլ բուլղարացի` Աուրին Իզմիտովի և ուկրաինացի Վիկտոր Պետրովի հաղթողն է: Մենամարտի օրը հունիսի 21- ն է: 81 կգ քաշային Նիկոլ Արությունովը պայքարը կսկսի 1/32 եզրափակչից: Նրա մրցակիցը լեհ Յորդան Կուլինսկին է: Նիկոլը ռինգ դուրս կգա հունիսի 18-ին:
Այսօր մարզում է անցկացրել Հրաչյա Բաբայանը: Մարզիչ Սեյրան Նիկողոսյանը վստահեցնում է, որ մեր 18-ամյա հրաձիգը շատ լավ մարզավիճակում է: Հրաչյա Բաբայանը մեդալի համար կպայքարի վաղը: Նա կմասնակցի 10 մետր օդամուղ հրացանով վարժությանը: Մրցումը կսկսվի Երևանի ժամանակով առավոտյան 8-ին, հայտնում է Հայաստանի պատվիրակության մամուլի քարտուղարությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.