Ստեփան Մարյանյան. Բաքվում նվաճած ոսկե մեդալս նվիրում եմ հորս հիշատակին
21:12 13 հունիսի, 2015Հաղթանակս, ոսկե մեդալս նվիրում եմ հորս հիշատակին, ես նրան խոստացել եմ օլիմպիական ոսկե մեդալ, առայժմ նվաճում եմ Եվրոպական խաղերինը, ասել է ռուսաստանահայ Ստեփան Մարյանյանը, որը Բաքվում ընթացող Խաղերի առաջին օրը նվաճել է Ռուսաստանի պատվիրակության առաջին մեդալը:
Հունահռոմեական ըմբշամարտի 59 կգ քաշայինների եզրափակիչում Ստեփան Մարյանյանը 3:0 հաշվով պարտության էր մատնել Բելառուսը ներկայացնող Սոսլան Դաուրովին:
«Ուրախ եմ, որ այս Խաղերում նվաճեցի Ռուսաստանի առաջին ոսկե մեդալը: Հաջողությանս միակ գաղտնիքը համառ աշխատանքն է: Շնորհակալություն բոլորին, ովքեր աջակցում են ինձ: Սա առայժմ իմ ամենախոշոր նվաճումն է»,- Մարյանյանի խոսքը մեջբերում է Rsport-ը:
Եվրոպապական խաղերում ըմբշամարտի մրցաշարը համարվում է նաեւ Եվրոպայի առաջնություն:
Եվրոպական խաղերը կշարունակվեն մինչեւ հունիսի 28-ը: 20 մարզաձեւում կվիճարկվի 253 տիտղոս:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.