Բաստիան Շվայնշտայգերը համբույրով է շնորհավորել Անա Իվանովիչին

20:11   2 հունիսի, 2015

Սերբ Անա Իվանովիչը նվաճել է թենիսի Ֆրանսիայի բաց առաջնության կիսաեզրափակիչի ուղեգիր։ Քառորդ եզրափակիչում մրցաշարի 7-րդ ռակետը մրցել է ուկրաինացի Էլինա Սվիտոլինայի հետ եւ առավելության է հասել 6։3, 6։2 հաշվով։ Իվանովիչը 2008-ից հետո առաջին անգամ է դուրս գալիս «Մեծ սաղավարտի» մրցաշարի կիսաեզրափակիչ։ Յոթ տարի առաջ Իվանովիչը նվաճել է «Ռոլան Գարոսի» գավաթը։

Սվիտոլինայի նկատմամբ տարած հաղթանակից հետո Իվանովիչին համբույրով շնորհավորել է նրա ընկերը՝ Մյունխենի «Բավարիայի» եւ Գերմանիայի հավաքականի ֆուտբոլիստ Բաստիան Շվայնշտայգերը։

Եզրափակիչի ուղեգրի համար Իվանովիչը կմրցի չեխ Լյուսի Շաֆարժովայի հետ, որը 7:6 (7:3), 6:3 հաշվով պարտության է մատնել իսպանացի Գարբին Մուգուրուսային։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։