Մեսիի դուբլը «Բարսելոնային» դարձրեց Իսպանիայի գավաթակիր (ֆոտոշարք)
01:21 31 մայիսի, 2015Կատալոնական «Բարսելոնան» ռեկորդային 27-րդ անգամ հռչակվեց ֆուտբոլի Իսպանիայի գավաթակիր: Իսպանիայի գավաթի խաղարկության եզրափակիչն այս տարի անցկացվեց Բարսելոնայի «Նոու Կամպ» ստադիոնում, որտեղ հյուրընկալվեց Բիլբաոյի «Աթլետիկը» եւ պարտվեց 1:3 հաշվով: Կատալոնական ակումբից դուբլի հեղինակ դարձավ արգենտինացի ռմբարկու Լիոնել Մեսին, մեկ անգամ էլ աչքի ընկավ բրազիլացի հարձակվող Նեյմարը, իսկ բասկերը հաշիվը թրջեցին վերջնամասում:
«Բարսելոնայի» ավագ Չավին փոխարինման դուրս եկավ 56-րդ րոպեին եւ վերջին խաղն անցկացրեց «Նոու Կամպում»: Ընթացիկ մրցաշրջանի վերջում իսպանացի 35-ամյա կիսապաշտպանը տեղափոխվելու է քաթարյան «Ալ Սադ»:
Հիշեցնենք, որ այս մրցաշրջանում Լուիս Էնրիկեի թիմը դարձել էր նաեւ Իսպանիայի չեմպիոն, ինչպես նաեւ դուրս է եկել Չեմպիոնների լիգայի եզրափակիչ, որում հունիսի 6-ին Բեռլինում մրցելու է Թուրինի «Յուվենտուսի» հետ: Թուրինցիները եւս այս տարի դարձել են Իտալիայի չեմպիոն ու գավաթակիր:
Իսպանիայի Գավաթ, եզրափակիչ
«Աթլետիկ» - «Բարսելոնա»՝ 1:3
Ինակի Ուիլյամս, 80 – Լիոնել Մեսի, 20, 74, Նեյմար, 36
«Աթլետիկ». Հերերին, Բուստինզա, Բալենսիագա, Էչեիտա, Լապորտե, Սան Խոսե, Բենյաթ (Իտուրասպե, 75), Ռիկո, Ուիլյամս, Իրաոլա (Սուսաետա, 58), Ադուրիս:
«Բարսելոնա». Տեր Շտեգեն, Ալվես, Պիկե, Մասկերանո, Ալբա (Մաթյո, 77), Բուսկետս, Ռակիտիչ, Ինյեստա (Չավի, 56), Մեսի, Նեյմար, Սուարես (Պեդրո, 77):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.