Ռիո-2016. Ըմբշամարտի օլիմպիական ընտրական համակարգը
14:18 22 մայիսի, 2015Ըմբշամարտի միջազգային ֆեդերացիան հաստատել է 2016թ. Ռիո դե Ժանեյրոյի Օլիմպիական խաղերի ըմբշամարտի մրցաշարի մասնակիցների որակավորման համակարգը: Առաջին ընտրական մրցաշարը կլինի սեպտեմբերի 7-15-ը Լաս Վեգասում կայանալիք աշխարհի առաջնությունը՝ յուրաքանչյուր քաշային կարգում կվիճարկվի վեց ուղեգիր:
2016թ. ապրիլի 15-17-ը Սերբիայի Զրենյանին քաղաքում կայանալիք եվրոպական ընտրական մրցաշարում օլիմպիական ուղեգիր կստանան եզրափակիչների մասնակիցները:
Ապրիլի 22-24-ը Մոնղոլիայի մայրաքաղաք Ուլան Բատորում անցկացվելիք առաջին համաշխարհային ընտրական մրցաշարի յուրաքանչյուր քաշային կարգում կվիճարկվի երեք օլիմպիական ուղեգիր: Եվս երկուական ուղեգիր կվիճարկվի 2016թ. մայիսի 6-8-ը Ստամբուլում կայանալիք վերջին ընտրական մրցաշարում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.