Եվրոպայի առաջնություն. Գալոյանն ու Դանիելյանը կեսական միավոր են զիջում առաջատարներին
23:21 21 մայիսի, 2015Վրաստանի Չակվի քաղաքում ընթացող շախմատի կանանց Եվրոպայի անհատական առաջնության երրորդ տուրից հետո Հայաստանի ներկայացուցիչներ Լիլիթ Գալոյանն ու Էլինա Դանիելյանը կեսական միավոր են զիջում միայն հաղթանակներ տարած Միխայելա Սանդուին (Ռումինիա), Ալինա Կաշլինսկայային (Ռուսաստան), Օլգա Գիրյային (Ռուսաստան) եւ Նինո Բացիաշվիլիին (Վրաստան):
Երրորդ տուրում Էլինա Դանիելյանը սեւերով ոչ ոքի է խաղացել Վրաստանի ուժեղագույն շախմատիստուհիներից մեկի՝ Նանա Ձագնիձեի հետ: Լիլիթ Գալոյանը սեւերով միավորը կիսել է լեհ Մոնիկա Սոցկոյի հետ:
Հայաստանի մյուս ներկայացուցիչներ Մարիա Կուրսովան, Մարիա Գեւորգյանը, Լիլիթ Մկրտչյանը վաստակել են 2-ական, Աննա Հայրապետյանը՝ 1, Սուսաննա Գաբոյանը՝ կես միավոր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։