Աշխարհի առաջնություն. Արման Երեմյանը տարել է մեկ հաղթանակ, Սերգեյ Վարդազարյանը 5-րդն է

Ռուսաստանի Չելյաբինսկ քաղաքում  ավարտվեց թաեքվոնդոյի աշխարհի առաջնությունը: 141 երկրների մարզիկների թվում էին նաեւ Հայաստանի հինգ պատվիրակներ։ Նրանցից առավել հաջող հանդես եկավ 22-ամյա Սերգեյ Վարդազարյանը (63 կգ): Նա տարավ չորս հաղթանակ եւ եզրափակեց առաջին հնգյակը: Բացի այդ, վաստակավոր մարզիչ Արսեն Ավետիսյանի աշակերտը ձեռք բերեց  վարկանիշային 25,92 միավոր:

Օլիմպիական  վարկանիշային միավորների  քանակն ավելացրեց նաեւ (12,7  միավորով) Եվրոպայի փոխչեմպիոն Արման Երեմյանը (80 կգ), որը միայն մեկ հաղթանակ է տարել։ Նա  ձախողումը համարել է իր ընտրած սխալ մարտավարության հետեւանք, գրում է ՀԱՕԿ կայքը:

Հայաստանի մյուս երեք ներկայացուցիչները եւս պայքարից դուրս են մնացել նախնական փուլում։