Ռոնալդուն՝ «Ռեալի» պատմության երկրորդ լավագույն ռմբարկու

Մադրիդի «Ռեալի» պորտուգալացի հարձակվող Կրիշտիանու Ռոնալդուն, հեթ-տրիկի հեղինակ դառնալով «Էսպանյոլի» դեմ Պրիմերայի նախավերջին՝ 37-րդ տուրի խաղում, Արքայական ակումբի բոլոր ժամանակների ռմբարկուների ցուցակում բարձրացավ երկրորդ տեղ, գրում է AS-ը:

Պորտուգալիայի հավաքականի ավագը «Ռեալում» իր գոլերի քանակը հասցրեց 310-ի եւ 3 գնդակով առաջ անցավ լեգենդար Ալֆրեդո Դի Ստեֆանոյից: Ռոնալդուին գերազանցում է միայն իսպանացի լեգենդար հարձակվող Ռաուլ Գոնսալեսը, ով 323 գոլ է խփել «Ռեալում»:

Ռոնալդուն Պրիմերայում դարձել է 222 գոլի հեղինակ, Իսպանիայի Գավաթում՝ 21, Իսպանիայի Սուպերգավաթում՝ 3, Չեմպիոնների լիգայում՝ 62, Եվրոպայի Սուպերգավաթում՝ 2: