«Ֆերարին» 164 միլիոն դոլար է ստացել Ֆորմուլա-1-ից

«Ֆերարի» թիմը 67 միլիոն դոլար է ստացել ավտոսպորտի Ֆորմուլա-1 դասի աշխարհի առաջնությունից՝ անցած մրցաշրջանում չորրորդ տեղ գրավելու եւ 97 միլիոն դոլար էլ բոնուսների եւ պարգեւավճարների շնորհիվ, հաղորդում է autosport-ը՝ հղում անելով Formula One Management-ին:

Առաջնությունում երկրորդ տեղը գրաված «Ռեդ Բուլ» թիմն առաջնության կազմակերպիչներից ստացել է 156 միլիոն դոլար, «Մերսեդեսը»՝ 126 միլիոն դոլար:

Հաջորդ տեղերում են «Մաքլարենը» (98 միլիոն), «Ուիլյամսը» (83), «Ֆորս Ինդիան» (60), «Տորո Ռոսոն» (54), «Լոտուսը» (51),«Մարուսիան» (48) եւ «Զաուբերը» (44):

Գումարը գոյանում է Գրան պրիների կազմակերպիչների հատկացումներից, հեռուստաիրավունքի վաճառքից եւ հովանավորչական վճարումներից: