Եվրոպայի առաջնություն. Հայ մարմնամարզուհիների արդյունքները
18:41 6 մայիսի, 2015Երեւան է վերադարձել գեղարվեստական մարմնամարզության Հայաստանի հավաքականը, որը մասնակցել է Բելառուսի մայրաքաղաք Մինսկում անցկացված մեծահասակների եւ երիտասարդների Եվրոպայի առաջնությանը, հաղորդում է msy-ը:
Մեծահասակների անհատական մրցումներին մասնակցել են Լիլիթ Հարությունյանը, Էլիզաբեթ Պետրոսյանը եւ Աննա Սվիրինան, որոնց հավաքած միավորներով 36 երկրների մեջ Հայաստանը զբաղեցրել է 16-րդ տեղը եւ իրավունք ձեռք բերել Եվրոպայի հաջորդ առաջնությունում հանդես գալու B խմբում:
Առաջնությանը երիտասարդների հավաքական թիմն առաջին անգամ հանդես է եկել խմբակային վարժությամբ եւ զբաղեցրել է 22-րդ տեղը:
Հայաստանի երիտասարդական հավաքականը հանդես է եկել Էլեն Ավետիսյան, Ռոզա Ադամյան, Լիդյա Նազարյան, Էմմա Պետրոսյան, Ժանետա Բալոյան, Ժաննա Գալստյան կազմով՝ գլխավոր մարզիչ Գայանե Ներսիսյանի ղեկավարությամբ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.