ՖԻԴԵ-ն փոփոխություն է մտցրել դասակայն պարտիայի խաղաժամանակում
14:48 5 մայիսի, 2015Շախմատի միջազգային ֆեդերացիան փոփոխել է պարտիայի ժամանակի վերահսկման կարգը տարբեր մրցաշարերի համար։ Փոփոխությունը վերաբերում է նաեւ աշխարհի չեմպիոնական մրցամարտերին։
Աշխարհի անհատական առաջնություններում առաջին 40 քայլերի համար կտրվի 100 րոպե (նախկինում 120 րոպե էր), հաջորդ 20 քայլերին՝ 50 րոպե (նախկինում 60 րոպե էր), պարտիայի ավարտին՝ 15 րոպե (նախկինում էլ էր 15 րոպե)։ Պարտիայի հենց սկզբից ամեն քայլի համար կավելացվի 30 վայրկան (նախկինում ավելացվում է 60-րդ քայլից հետո)։
Փոփոխությունները հաստատվել են Չինաստանի Չենդու քաղաքում կայացած ՖԻԴԵ-ի նախագահական խորհրդի նիստում։ ՖԻԴԵ-ն նաեւ պայմանագրեր է կնքել Վրաստանի ներկայացուցիչների հետ 2017թ. Աշխարհի Գավաթը Թբիլիսիում, 2018թ. Համաշխարհային օլիմպիադան Բաթումում անցկացնելու վերաբերյալ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.