Հրանտ Մելքումյան. Նորամուտս հաջող ստացվեց Հայաստանի հավաքականում
10:12 30 ապրիլի, 2015Աշխարհի թիմային առաջնությունում նշեցի նորամուտս Հայաստանի հավաքականում: Հաջող եմ համարում առաջնությունում իմ խաղը։ Գրանցեցի երեք հաղթանակ, որի շնորհիվ թիմը միավորներ վաստակեց։
Այս մասին ասել է Հայաստանի հավաքականի նորեկ, 2015թ. Հայաստանի չեմպիոն Հրանտ Մելքումյանը՝ ամփոփելով Ծաղկաձորում ավարտված շախմատի աշխարհի թիմային առաջնությունում իր մասնակցությունը։
«Գտնում եմ, որ իմ նորամուտը հաջող ստացվեց, թեեւ երկու պարտություն կրեցի: Մասնավորապես, Հունգարիայի հետ խաղում շատ ցավոտ պարտություն կրեցի: Ամեն դեպքում, երեք հաղթանակ գրանցեցի, ինչի շնորհիվ թիմը միավորներ վաստակեց: Կարող եմ հաջող համարել առաջնությունում իմ խաղը:
Այդքան էլ կայուն չէր, քանի որ մի պարտիայում կոպիտ վրիպեցի, բայց ընդհանուր առմամբ համեմատած անցյալ առաջնության, այս առաջնությունում խաղս այդքան էլ կայուն չէր: Բայց մյուս կողմից հաղթանակներ ունեցա, ինչն ավելի կարեւոր էր»,- ասաց Հրանտ Մելքումյան:
Հիշեցնենք, որ աշխարհի չեմպիոն է դարձել Չինաստանի թիմը, արծաթե մեդալը նվաճել է Ուկրաինայի հավաքականը, իսկ հայ գրոսմայստերները բավարարվել էին բրոնզե մեդալով։
Լուսինե Շահբազյան
Ֆոտո՝ tsaghkadzor2015.fide.com
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.