Վասիլի Իվանչուկ. Լեւոն Արոնյանի յուրաքանչյուր պարտիան ստեղծագործություն է
21:50 29 ապրիլի, 2015Ափսոսում եմ, որ աշխարհի առաջնությունում բավարարվեցինք արծաթե մեդալով։ Շատ մոտ էինք ոսկե մեդալին։ Ինձ այս առաջնությունում շատ դուր եկավ Հայաստանի հավաքականի խաղը, մասնավորապես, Լեւոն Արոնյանի։ Նա միշտ խաղում է ստեղծագործելով։
Այս մասին ասել է շախմատի աշխարհի առաջնության փոխչեմպիոն Ուկրաինայի հավաքականի առաջատար Վասիլի Իվանչուկը։
«Մենք շատ լավ խաղացինք, մոտ էինք ոսկե մեդալին, չեմպիոնի տիտղոսին, բայց, ափսոս, միայն արծաթե մեդալով բավարարվեցինք: Այս առաջնությունում անհաջող խաղաց ԱՄՆ-ի թիմը: ԱՄՆ-ն ուժեղ թիմ է, բայց այս առաջնությունում նրանք նույնիսկ մեդալի չհավակնեցին:
Բազմիցս ասել եմ, ու նորից կասեմ, որ հայ շախմնատիստները զարմանալի խաղ են ցուցադրում, նրանք խաղում են ստեղծագործելով: Կայուն չեն խաղում, յուրաքանչյուր քայլը ստեղծագործելով է արվում: ԼեւոնԱրոնյանի յուրաքանչյուր պարտիան ստեղծագործություն է:
Առաջնությունն ավարտվեց, շատ ուրախ եմ, որ այն անցկացնվեց Հայաստանում, այս հրաշալի վայրում: Ինձ այստեղ շատ դուր եկավ: Կցանկանայի նորից վերադառնալ այստեղ: Եթե հայերը հրավիրեն, մեծ սիրով նորից կվերադառնամ»,- ասել է Վասիլի Իվանչուկը:
Հիշեցնենք, որ չեմպիոնի տիղտոսը նվաճեցին չինացիները, Հայաստանը գրավեց երրորդ տեղը.
Չինաստան՝ 15 թիմային միավոր (23 անհատական միավորների գումար), Ուկրաինա՝ 12 (21), Հայաստան՝ 11 (19), Ռուսաստան՝ 10 (21,5), ԱՄՆ՝ 10 (19,5), Հունգարիա՝ 9 (17), Իսրայել՝ 8 (18,5), Կուբա՝ 7 (16,5), Հնդկաստան՝ 7 (16), Եգիպտոս՝ 1 (9):
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.