17-րդ անգամ կայացավ Գառնիկ Հովհաննիսյանի հուշամրցաշարը
19:17 11 հունիսի, 2012«Աշխատանք» մարզադահլիճում Հայաստանի սամբոյի ֆեդերացիան ու Սամբոյի եւ ձյուդոյի օլիմպիական մանկապատանեկան մարզադպրոցը անցկացրեցին Հայաստանից սամբո ըմբշամարտի առաջին աշխարհի չեմպիոն Գառնիկ Հովհաննիսյանի 17-րդ ավանդական միջազգային հուշամրցաշարը:
Տասը քաշային կարգերում հաղթողներն ու մրցանակակիրները պարգեւատրվեցին համապատասխան կարգի հավաստագրերով եւ մեդալներով, իսկ 57, 62 եւ 68 կգ քաշային կարգերում /որոնցում ժամանակին հանդես է եկել լեգենդար մարզիկը/ հաղթողներն արժանացան նաեւ Գառնիկ Հովհաննիսյանի ընկերների կողմից սահմանված հատուկ գավաթների, հաղորդում են Հայաստանի սամբոյի ֆեդերացիայից:
Մրցաշարի հաղթողները.
48 կգ քաշային կարգ -Էդգար Իսրայելյան
52 կգ ք/կ- Աղասի Նազունց
57 կգ ք/կ-Տիգրան Կիրակոսյան
62 կգ ք/կ-Արեն Անտոնյան
68 կգ ք/կ-Մարտին Միրզոյան
74 կգ ք/կ-Մավրիկ Նասիբյան
82 կգ ք/կ-Մհեր Կարապետյան
90 կգ ք/կ-Դավիթ Գրիգորյան
100 կգ ք/կ-Սարգիս Սարգսյան
+100 կգ ք/կ-Էդուարդ Դավթյան
Տեղեկանք
Գառնիկ Հովհաննիսյանը սամբոյի աշխարհի չեմպիոնի կոչումը նվաճել է Մադրիդում` 1981թվականին: Մինչեւ այդ մեր մարզիկները ըմբշամարտի ձեւերից եւ ոչ մեկում նման բարձր հաջողության չէին հասել:
1983-95 թթ Գ. Հովհաննիսյանն աշխատել է Սամբոյի եւ ձյուդոյի օլիմպիական մանկապատանեկան մարզադպրոցում որպես սամբոյի բաժանմումքի ավագ մարզիչ: Արցախյան շարժման սկզբի տարիներին`1989-1991թթ., մի շարք անվանի մարզիկների հետ ապահովել է ԽՍՀՄ Գերագույն խորհրդի նստաշրջաններին մասնակցող ՀԽՍՀ եւ ԼՂԻՄ պատգամավորների անվտանգությունը Մոսկվայում, ուղեկցել` հասարակական-քաղաքական գործիչների, իրականացրել` հատուկ բեռների տեղափոխում:
Անվանի մարզիկը պատահարի զոհ է դարձել 1995-ին: Հաջորդ տարվանից Հայաստանի սամբոյի ֆեդերացիան անցկացնում է Գառնիկ Հովհաննիսյանի հուշամրցաշարը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.