Սարգիս Հովսեփյանը՝ Հայաստանի հավաքականի գլխավոր մարզիչի պաշտոնակատար
13:33 28 ապրիլի, 2015Երեւանի «Փյունիկը» գլխավորող Սարգիս Հովսեփյանը ՀՖՖ նախագահ Ռուբեն Հայրապետյանի հրամանով նշանակվել է Հայաստանի ազգային հավաքականի գլխավոր մարզիչի պաշտոնակատար, հայտնում է ՀՖՖ կայքը:
Հիշեցնենք, որ շվեյցարացի Բեռնար Շալանդի հեռացումից հետո Հայաստանի հավաքականի գլխավոր մարզիչի պաշտոնը թափուր էր:
Հայաստանի հավաքականի նախկին ավագ Սարգիս Հովսեփյանը ազգային թիմի կազմում խաղադաշտ է դուրս եկել 132 անգամ՝ սահմանելով ռեկորդ: Նա մարզչական կարիերան սկսել է 2013-ին՝ գլխավորելով Հայաստանի բազմակի չեմպիոն «Փյունիկը»: 2014-ին Հովսեփյանը գլխավորել է Հայաստանի մինչեւ 19 տարեկանների հավաքականը, իսկ 2014-ի նոյեմբերից՝ Հայաստանի երիտասարդական հավաքականը:
Սարգիս Հովսեփյանի կենսագրությունը
Ծնվել է 1972 թ. նոյեմբերի 2-ին
Ամուսնացած է, ունի 2 երեխա
Տիրապետում է հայերեն, ռուսերեն (գերազանց), անգլերեն (լավ) լեզուների
Ֆուտբոլային կարիերա
1990-1991 թթ. - «Մալաթիա»
1991-1992 թթ. - «Լոռի»
1992-1997 թթ. - «Փյունիկ»
1998-2003 թթ. - «Զենիթ» (Սանկտ Պետերբուրգ, Ռուսաստան)
2003-2004 թթ. - «Տորպեդո-Մետալուրգ» (Մոսկվա, Ռուսաստան)
2004-2012 թթ. - «Փյունիկ»
1992-2012 թթ. - Հայաստանի ազգային հավաքական
Ռեկորդակիր է Հայաստանի ազգային հավաքականում անցկացրած խաղերի քանակով (132)
Նվաճումներ որպես ֆուտբոլիստ
1992, 1995/96, 2004-2010 թթ. - Հայաստանի չեմպիոն
1996, 2004, 2009, 2010 թթ. - Հայաստանի գավաթակիր
1997,2004, 2006, 2007, 2009 թթ. - Հայաստանի սուպերգավաթ
1998/99 թթ. - Ռուսաստանի գավաթակիր
2003 թ. - Ռուսաստանի բրոնզե մեդալակիր
Նվաճումներ որպես մարզիչ
2014 թ.- Հայաստանի գավաթակիր՝ որպես «Փյունիկի» գլխավոր մարզիչ
Մարզչական որակավորում
2013 թ.- ստացել է B կարգի մարզչական արտոնագիր
Ֆոտո՝ ՈւԵՖԱ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.