Կլոպ. Գերմանիայի գավաթը նվաճելը մեր մեծ նպատակն է

«Բավարիայի» հետ վաղվա հանդիպումն արդեն դե ֆակտո եզրափակիչ է, ասել է Դորտմունդի «Բորուսիայի» գլխավոր մարզիչ Յուրգեն Կլոպը՝ խոսելով ապրիլի 28-ին կայանալիք Գերմանիայի գավաթի խաղարկության «Բավարիա» - «Բորուսիա» հանդիպման մասին:

«Առաջիկա խաղի արդյունքը ամեն ինչ է մեզ համար: Գերմանիայի գավաթի խաղարկությունը մեր մեծ նպատակն է: Բայց դրա համար անհրաժեշտ է հաղթահարել «Բավարիայի» արգելքը: Մեզ սպասվում է դե ֆակտո եզրափակիչ»,- Կլոպի խոսքը մեջբերում է Sport1-ը:

Յուրգեն Կլոպը նաեւ հերքել է լուրերը, թե Դորտմունդից հեռանում է կնոջից բաժանվելու պատճառով՝ նշելով, որ ունի ամուր ընտանիք եւ շարունակում է անկեղծ սիրել կնոջը:

Ապրիլի 28-ին Մյունխենում կայանալիք «Բավարիա» - «Բորուսիա» հանդիպումը կմեկնարկի Երեւանի ժամանակով 22:30-ին: «Բավարիան» արդեն ապահովել է 25-րդ չեմպիոնական տիտղոսը: