Ադրբեջանի հավաքականին գողության համար արտաքսել են Ճապոնիայից
16:21 25 ապրիլի, 2015Ձյուդոյի Ադրբեջանի հավաքականն արտաքսվել է Ճապոնիայից, որտեղ անցկացնում էր մարզումային հավաք, հաղորդում է oxu.az-ը։
Պատճառը եղել է թիմի երկու մարզիկների՝ Մեհման Սադիխովի եւ Գուրբան Գուրբանովի վարքը առեւտրային կենտրոնում։ Նրանք որոշել են հագուստ գնել, թեեւ գումար չեն ունեցել։ Խանութի մենեջերը ոստիկանություն է կանչել։
Մարզիկներն արդարացել են, թե դոլար են ունեցել, եւ չեն կարողացել փոխանակել։ Մարզիչներից մեկն էլ պատմել է, թե արտաքսվելու պատճառը եղել է ոչ թե խանութի միջադեպը, այլ ճապոնացի երեխայի ծնողների բողոքը։ Մարզումից հետո ադրբեջանցի մարզիկներից մեկը բարձրացրել է երեխային եւ լուսանկարվել նրա հետ, թեեւ չի ունեցել երեխայի համաձայնությունը։ Ադրբեջանի ձյուդոյի ֆեդերացիայի գլխավոր քարտուղարն էլ հայտնել է, որ հավաքը ժամանակից շուտ ավարտելու պատճառը եղել է մարզիկների վնասվածքները։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.