Եվրոպայի առաջնություն. Սիմոն Մարտիրոսյանը մոտ էր մեդալին
12:39 18 ապրիլի, 2015Թբիլիսիում ավարտին մոտեցող ծանրամարտի Եվրոպայի առաջնությունում ապրիլի 18-ին մրցահարթակ դուրս եկավ տղամարդկանց Հայաստանի հավաքականի վերջին ներկայացուցիչը՝ պատանեկան Օլիմպիական խաղերի չեմպիոն, 105 կգ քաշային Սիմոն Մարտիրոսյանը, որը երկամարտի 397 կգ արդյունքով գրավեց 5-րդ տեղը։
Պոկում վարժությունում հայ ծանրորդը 181 կգ արդյունքով գրավեց չորրորդ տեղը։ Հրում վարժությունում Սիմոն Մարտիրոսյանը ցույց տվեց 216 կգ, ինչը 6-րդ արդյունքն է։
Եվրոպայի չեմպիոնի տիտղոսը նվաճեց լեհ Բարտլոմիյ Բոնկը՝ 408 կգ (185+223): Փոխչեմպիոն դարձավ մոլդովացի Անդրիան Զբիրնեան՝ 399 կգ (177+222), երրորդ տեղը գրավեց լեհ Արկադիուշ Միխալսկին՝ 399 (172+227)։ Չորրորդ տեղը զբաղեցրած ռուսաստանցի Գենադի Մուրատովի արդյունքն է 398 կգ (183+215)։
Ավստրիան ներկայացնող Սարգիս Մարտիրոսյանը երկամարտի 385 կգ (180+205) արդյունքով գրավեց 10-րդ տեղը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.