Գյումրեցիները քաղաքի մուտքի մոտ դիմավորեցին Եվրոպայի եռակի չեմպիոն Տիգրան Մարտիրոսյանին (ֆոտո)
18:22 15 ապրիլի, 2015Իմ հաղթանակը միայն իմը չէ, նաեւ հայ ժողովրդի հաղթանակն է։ Այս մասին այսօր՝ ապրիլի 15-ին, Գյումրիում լրագրողներին ասաց ծանրամարտի Եվրոպայի եռակի չեմպիոն Տիգրան Մարտիրոսյանը՝ նշելով, որ հաշվի առնելով իր առողջական վիճակը՝ այնքան էլ վստահ չէր, որ կկարողանա հաղթել։
«Մրցակիցներիս ճանաչում էի, գիտեի, որ իմ հնարավորությունները լիարժեք օգտագործելու դեպքում հաղթանակն իմն է լինելու։ Ճիշտ է՝ նոր էի վերադարձել Գերմանիայից, որտեղ բուժվում էի, բայց արդյունքը դրական եղավ»,- ասաց Տիգրան Մարտիրոսյանը՝ խոստանալով, որ կշարունակի մարզումները եւ առաջիկայում նոր մեդալներ կբերի Հայաստանին։
Աշխարհի չեմպիոնին եւ Եվրոպայի եռակի չեմպիոնին գյումրեցիները դիմավորեցին մեծ շուքով։ Քաղաքի մուտքի մոտ հավաքվել էին բազմաթիվ գյումրեցիներ, նույնիսկ հյուրեր էին եկել այլ մարզերից։ Ծանրաձողի տեսքով տոնական տորթը կտրելուց եւ Տիգրան Մարտիրոյանին շնորհավորելուց հետո հավաքվածները շարասյունով ուղեկցեցին չեմպիոնին դեպի քաղաքի կենտրոնական հրապարակ, այնտեղից էլ տուն։
Էլիզ Ֆրանգուլյան՝ Գյումրիից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.