Միշա Ալոյան. Դժգոհ չեմ, որ ստիպված եմ բաց թողնել աշխարհի առաջնությունը

Սիրողական բռնցքամարտի աշխարհի կրկնակի չեմպիոն Միշա Ալոյանը դժգոհ չէ, որ չի կարողանա մասնակցել աշխարհի առաջնությանը, հաղորդում է Rsport-ը։ Ռուսաստանը ներկայացնող 52 կգ քաշային բռնցքամարտիկը նվաճել է AIBA Pro Boxing-ի չեմպիոնի կոչումն ու ապահովել 2016թ. Ռիոյի Օլիմպիական խաղերի ուղեգիր։ Միջազգային ֆեդերացիայի կանոնադրությամբ AIBA Pro Boxing-ի չեմպիոնները պետք է բաց թողնեն նույն տարում անցկացվող աշխարհի առաջնությունը։

«AIBA Pro Boxing-ը լավ նախագիծ է, որը ես հավանում եմ։ Կարծում եմ՝ դեռ կհասցնեմ նվաճել աշխարհի չեմպիոնի երրորդ տիտղոսը»,- ասել է Ալոյանը։

Աշխարհի առաջնությունը տեղի կունենա հոկտեմբերին Քաթարում։