Սմբատ Մարգարյանը` Եվրոպայի փոխչեմպիոն

22:05   11 ապրիլի, 2015

Հայաստանը ներկայացնող Սմբատ Մարգարյանն արծաթե մեդալակիր դարձավ Թբիլիսիում մեկնարկած ծանրամարտի Եվրոպայի առաջնությունում, որն ավարտվելու է ապրիլի 18-ին:

Մրցումային առաջին օրը Հայաստանն ուներ մեկ ներկայացուցիչ: Եվրոպայի նախորդ առաջնության բրոնզե մեդալակիր Սմբատ Մարգարյանը հանդես եկավ 56 կգ քաշային կարգում եւ գրավեց երկրորդ տեղը: Հայ ծանրորդը երկամարտում գրանցեց 259 կգ (113+146) արդյունք: Եվրոպայի չեմպիոն դարձավ մոլդովացի Օլեգ Սիրգին, ում երկամարտի արդյունք էր 264 կգ (113+151):

Հիշեցնենք, որ նոյեմբերին Ղազախստանի Ալմաթի քաղաքում կայացած աշխարհի առաջնությունում Սմբատ Մարգարյանը երկամարտի 250 կգ (107+143) արդյունքով գրավել էր 18-րդ տեղը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։