Աբրահամի եւ Շտիգլիցի թիմերը համաձայնության են հասել չորրորդ մենամարտի մասին
21:08 10 ապրիլի, 2015Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը եւ տիտղոսի նախկին տիրակալ Ռոբերտ Շտիգլիցը համաձայնության են հասել չորրորդ մենամարտի անցկացման մասին, հաղորդում է Boxing Scene-ը: WBO-ն նշել է, որ բռնցքամարտիկների թիմերից ստացել է այդ մասին հաղորդագրություն եւ չի անցկացնի ապրիլի 14-ին Բուդապեշտում նախատեսված պրոմոուտերական սակարկություններ: Այդ մասին հայտնել է WBO-ի չեմպիոնական մենամարտերի կոմիտեի նախագահ Լուիս Բատիստա-Սալասը:
Բռնցքամարտիկները մենամարտի համաձայնություն էին տվել փետրվարին: Դրանից հետո նրանց պրոմոուտերական թիմերը սկսել էին բանակցությունները:
Հիշեցնենք, որ փետրվարի 21-ին Բեռլինում Արթուր Աբրահամը պաշտպանեց տիտղոսը՝ երկրորդ անգամ հաղթելով բրիտանացի Փոլ Սմիթին: 2012թ. օգոստոսին Աբրահամը հաղթանակ է տարել Շտիգլիցի նկատմամբ՝ նվաճելով տիտղոսը: 2013թ. մարտին Շտիգլիցը հասավ ռեւանշի, 2014թ. մարտին դարձյալ հաղթեց Աբրահամը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.