Հայաստանի ազգային կոխ ըմբշամարտի ֆեդերացիայի ընտրական համաժողովում կազմակերպության նախագահ է ընտրվել հունահռոմեական ըմբշամարտի աշխարհի չեմպիոն Վաղինակ Գալստյանը:
Համաժողովին ներկա եղած ՀՀ սպորտի եւ երիտասարդության հարցերի նախարար Գաբրիել Ղազարյան նշել է, որ նախարարությունն արդեն քայլեր է ձեռնարկում ազգային կոխ ըմբշամարտ մարզաձեւի զարգացման ուղղությամբ, ու այդ նպատակին հասնելու համար սերտ համագործակցություն կլինի ՀՀ մշակույթի նախարարության եւ շահագրգիռ այլ գերատեսչությունների հետ: Հանդիպումը պայմանավորված է եղել ֆեդերացիայի նախկին նախագահի հրաժարականի դիմումով, հաղորդում է msy-ը:
Համաժողովին, որպես հրավիրված հյուր, ներկա է եղել նաեւ ըմբշամարտի միջազգային ֆեդերացիայի ներկայացուցիչ Գինտաուտաս Վիլեյտան, որը համակարգում է ազգային մարզաձեւերի հետ տարվող աշխատանքները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։