Ադրբեջանցի սամբիստը զրկվեց մեդալից եւ կորակազրկվի 2-3 տարով
17:32 2 ապրիլի, 2015Բախտիյար Աբասովից վերցրել են Մոսկվայում կայացած սամբոյի աշխարհի գավաթի խաղարկության մրցաշարի 90 կգ քաշային կարգի բրոնզե մեդալը, նրան սպառնում է 2-3 տարվա որակազրկում: Այդ մասին հայտարարել է Ադրբեջանի սամբոյի ֆեդերացիայի նախագահ Ջեյհուն Մամեդովը:
«Ինձ ասացին, որ Աբասովի անունն արդեն ջնջել են մրցաշարի մեդալակիրների ցանկից: Ցավալի է եւ պետք է խոստովանեմ, որ չհասկացա Աբասովին: Սկզբում նա ասաց, որ հիմնի ժամանակ վատ է զգացել իրեն, սիրտն է ցավել, այդ պատճառով է կիսանստել, հետո հայտարարեց, որ դա արել է ղարաբաղյան պատերազմի պատճառով»,- Մամեդովի խոսքը մեջբերում է azerisport-ը:
Սամբոյի եվրոպական ֆեդերացիայի եւ համառուսաստանյան ֆեդերացիայի նախագահ Սերգեյ Ելիսեեւը դատապարտել էր Աբասովի վարքը եւ նշել, որ միջազգային ֆեդերացիայի կարգապահական կոմիտեն կքննարկի ադրբեջանցի մարզիկի որակազրկման հարցը:
Հիշեցնենք, որ արցախցի սամբիստ Աշոտ Դանիելյանի հաղթանակի պատվին հնչած Հայաստանի հիմնի ժամանակ Աբասովը կքանստել էր, հետո էլ հայտարարել էր, որ դիտավորյալ է արել դա հայաշատ Մոսկվայում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.