Թբիլիսիի Գրան պրի. Հայ ձյուդոիստները մեդալ չնվաճեցին

Թբիլիսիում ավարտված ձյուդոյի Գրան պրի մրցաշարում Հայաստանն անմասն մնաց մեդալներից: 60 կգ քաշային կարգում Հովհաննես Ալեքսաննյանը պարտվեց մեկնարկային գոտեմարտում, Հովհաննես Դավթյանը՝ երկրորդում:

66 կգ քաշային Դավիթ Ղազարյանը չկարողացավ հաղթահարել առաջին փուլի արգելքը: Նույն քաշային կարգում Արսեն Ղազարյանը եւս պարտվեց մեկնարկային գոտեմարտում:

73 կգ քաշային կարգում Դավիթ Նիկողոսյանը մեկ հաղթանակ տարավ, երկրորդ գոտեմարտում պարտվեց, Ալբերտ Մկրտչյանը պարտվեց առաջին փուլի գոտեմարտում:

81 կգ քաշայիններ Դավիթ Սարգսյանն ու Անդրանիկ Չափարյանը, 100 կգ քաշային Միխայիլ Մինչինը եւ կանանց 52 կգ քաշային Ժաննա Ստանկեւիչը եւս պարտվեցին մեկնարկային գոտեմարտերում: