Պրեմյեր լիգայի 30-րդ տուրում հանդիպեցին Անգլիայի ամենատիտղոսակիր ակումբներ «Մանչեսթեր Յունայթեդն» ու «Լիվերպուլը»: Մանչեսթերցիներն արտագնա հաղթանակ տարավ 2:1 հաշվով:
Լիվերպուլում կայացած խաղի հաշիվը 14-րդ րոպեին բացեց հյուրերի իսպանացի կիսապաշտպան Խուան Մատան, ով խփեց առաջին խաղակեսի միակ գոլը:
Ընդմիջմանը փոխարինման դուրս եկավ «Լիվերպուլի» ավագ Ստիվեն Ջերարդը, ով 46-րդ րոպեին կարմիր քարտ ստացավ կոպիտ խաղի համար: Քիչ անց Մատան դարձավ նաեւ դուբլի հեղինակ՝ կրկնապատկելով մանչեսթերցիների առավելությունը: 70-րդ րոպեին «Լիվերպուլի» անգլիացի հարձակվող Դանիել Սթարիջը կրճատեց հաշիվը, սակայն դաշտի տերերին չհաջողվեց ստեղծել այլ գոլային պահեր ու փրկվել պարտությունից: Ավելացված ժամանակում հյուրերը մոտ էին նաեւ երրորդ գոլը խփելուն, սակայն անգլիացի հարձակվող Ուեյն Ռունին չկարողացավ անվրեպ իրացնել 11 մետրանոց հարվածը:
«Մանչեսթեր Յունայթեդը» 59 միավորով չորրորդն է, իսկ լիվերպուլցիները 54 միավորով եզրափակում են հնգյակը:
Անգլիայի առաջնություն, 30-րդ տուր
«Լիվերպուլ» - «Մանչեսթեր Յունայթեդ»՝ 1:2
Դանիել Սթարիջ, 70 – Խուան Մատա, 14, 59
Հեռացում՝ Ստիվեն Ջերարդ, 46 («Լիվերպուլ»)
Չիրացված 11 մետրանոց՝ Ույն Ռունի, 90+4 («Մանչեսթեր Յունայթեդ»)
Ֆոտո՝ Daily Mail
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։