Բռնցքամարտի Հայաստանի առաջնություն. Քառորդ եզրափակիչի արդյունքները
21:43 19 մարտի, 2015Երեւանի «Դինամո» մարզադահլիճում շարունակվում է բռնցքամարտի Հայաստանի առաջնությունը։ Մի քանի քաշային կարգերում տեղի են ունեցել քառորդ եզրափակիչի մենամարտերը:
56կգ քաշային կարգում վստահ հաղթանակ տարավ Արամ Ավագյանը, ով գեղեցիկ ոճով առավելության հասավ Էդգար Վարդանյանի նկատմամբ: Այս քաշային կարգում հաղթեցին նաեւ Սուրեն Առաքելյանը, Հենրիկ Մոքոյանը եւ Էրիկ Պետրոսյանը:
64 կգ քաշային կարգում դինամոյական Գոռ Երիցյանը մրցավարների միաձայն որոշմամբ հաղթեց Սուրեն Մանուչարյանին , Արա Պուլուզյանն էլ առավելության հասավ Արթուր Վահանյանի նկատմամբ : Այս քաշային կարգում հաղթանակ տարան նաեւ գյումրեցի Հովհաննես Բաչկովն ու Աշխատանքի հերթափոխի մարզադպրոցը ներկայացնող Գեւորգ Ղազեյանը:
75 կգ քաշային կարգում Արայիկ Հարությունյանը պարտության մատնեց Խաչատուր Նազարյանին։ Գագիկ Բոյանն էլ առավելության հասավ Մանուկ Դիլանյանի նկատմամբ:
75 կգ քաշային կարգում հետաքրքիր ստացվեց դինամոյական Արթուր Սարգսյանի եւ գյումրեցի Արմեն Բաղդասարյանի մենամարտը: Դժվար պայքարում հաղթեց Արթուր Սարգսյանը: Այս քաշային կարգի վերջին մենամարտում Սերգեյ Սարգսյանը առավելության հասավ Ջոն Հարությունյանի նկատմամբ:
Մրցումային երկրորդ օրը կայացավ նաեւ գերծանր քաշային կարգի մեկ մենամարտ: Վլադիմիր Ենգիբարյանի մարզադպրոցը ներկայացնող երկու բռնցքամարտիկների ՝ Աղասի Մեհրաբյանի եւ Վլադիմիր Նազարյանի մենամարտում առավելության հասավ Մեհրաբյանը, հաղորդում է ՀԲՖ լրատվական ծառայությունը:
Մարտի 20-ին ռինգ դուրս կգան 60կգ, 69կգ, 81կգ եւ գերծանր քաշային կարգի մարզիկները: 91կգ եւ գերծանր քաշային կարգի մարզիկները կպայքարեն եզրափակիչի ուղեգրի համար: Մրցումների սկիզբը՝ 13:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.