Հենրիխ Մխիթարյանը մասնակցել է «Բորուսիայի» հերթական մարզմանը (ֆոտո)

22:10   16 մարտի, 2015

Դորտմունդի «Բորուսիան» շարունակում է պատրաստվել Թուրինի «Յուվենտուսի» դեմ Չեմպիոնների լիգայի 1/8 եզրափակիչի պատասխան հանդիպմանը:

Մարտի 16-ին կայացած մարզմանը մասնակցել է նաեւ Հայաստանի հավաքականի կիսապաշտպան Հենրիխ Մխիթարյանը, որը «Քյոլնի» դեմ Բունդեսլիգայի 25-րդ տուրի խաղում թեթեւ վնասվածք էր ստացել, հաղորդում է Ruhr Nachrichten-ը:

Առաջիկա հանդիպումը բաց կթողնի «Յուվենտուսի» կիսապաշտպան Անդրեա Պիրլոն, հարցականի տակ է «Բորուսիայի» կիսապաշտպան Նուրի Շահինի մասնակցությունը, հաղորդում է sport1.de-ն:

«Բորուսիա» - «Յուվենտուս» հանդիպումը տեղի կունենա մարտի 18-ին եւ կմեկնարկի Երեւանի ժամանակով 23:45-ին: Առաջին խաղում 2:1 հաշվով հաղթել են թուրինցիները:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։