Երեւանի «Փյունիկի» նորեկ Զավեն Բադոյանի՝ «Ալաշկերտի» դեմ Հայաստանի Բարձրագույն խմբի 17-րդ տուրի խաղում խփած հաղթական գոլը չի վրիպել բրիտանական 101greatgoals.com վիդեոպորտալի ուշադրությունից:
Հայաստանի հավաքականի կիսապաշտպանի շրջադարձ հարվածով խփած գոլի մասին կայքը գրում է հետեւյալը.
«Խոնարհվե՛ք Զավեն Բադոյանի առջեւ: Գուցե Անգլիայում թոփ խաղեր չկային շաբաթ օրը, բայց Հայաստանում կարեւոր հաղթանակ է տարել երկրորդ տեղում գտնվող «Փյունիկը», որը Զավեն Բադոյանի գոլի շնորհիվ նվազագույն հաշվով հաղթել է «Ալաշկերտին»: Այս գոլը Պուշկաշի անվան մրցանակի հավակնո՞րդ է: Գուցե դա այդպես կլիներ, եթե այդ գոլն արձանագրվեր առաջատար առաջնություններում»,- գրում է կայքը:
Հիշեցնենք, որ 25-ամյա Զավեն Բադոյանը վերջերս բելառուսական «Գոմելից» է տեղափոխվել «Փյունիկ»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։