«Բարսելոնան» ցանկանում է խաղալ «Ռեալի» ստադիոնում

17:28   4 մարտի, 2015

Իսպանիայի գավաթի խաղարկության եզրափակիչ դուրս գալու դեպքում, «Բարսելոնան» կդիմի Իսպանիայի ֆուտբոլի ֆեդերացիային եզրափակիչ հանդիպումը Մադրիդի «Ռեալի» «Սանտյագո Բերնաբեու» ստադիոնում անցկացնելու խնդրանքով, հաղորդում է AS-ը։

2012-ին եւս «Բարսելոնան» ցանկանում էր Մադրիդի «Աթլետիկոյի» հետ Գավաթի եզրափակիչն անցկացնել Արքայական ակումբի ստադիոնում, սակայն այն ժամանակ դա տեղի չունեցավ, քանի որ ստադիոնում ընթանում էին շինարարական աշխատանքներ։

«Ռեալի» ստադիոնում անցկացրած յոթ եզրափակիչներում «Բարսելոնան» տարել է վեց հաղթանակ։

Իսպանիայի գավաթի խաղարկության կիսաեզրափակիչի պատասխան խաղում «Բարսելոնան» մարտի 4-ին կհյուրընկալվի «Վիլյառեալին»։ Առաջին խաղում կատալոնական ակումբը հաղթել է 3։1 հաշվով։ «Վիլյառեալ» - «Բարսելոնա» հանդիպումը կմեկնարկի Երեւանի ժամանակով 23։00-ին։

Եզրափակիչը տեղի կունենա մայիսի 30-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։