Բունդեսլիգա. Հենրիխ Մխիթարյանի գոլը՝ տուրի լավագույն հնգյակում

10:55   2 մարտի, 2015

Բունդեսլիգայի կայքը ներկայացրել է ֆուտբոլի Գերմանիայի առաջնության 23-րդ տուրի 5 լավագույն գոլերը: Հնգյակում տեղ է գտել նաեւ Դորտմունդի «Բորուսիայի» կիսապաշտպան Հենրիխ Մխիթարյանի խփած գոլը Գելզենկիրխենի «Շալկեի» դեմ հաղթական դերբիում: Այդ խաղում Հայաստանի հավաքականի ֆուտբոլիստը երկարատեւ դադարից հետո 90 րոպե անցկացրեց «Բորուսիայի» կազմում եւ դարձավ գոլի ու գոլային փոխանցման հեղինակ: Դա նրա առաջին գոլն էր Գերմանիայի ընթացիկ առաջնությունում:

Բունդեսլիգայի 23 տուրերից հետո առաջատարը 58 միավոր հավաքած Մյունխենի «Բավարիան» է, որին 8 միավոր զիջում է երկրորդ տեղում գտնվող «Վոլֆսբուրգը»: Դորտմունդի «Բորուսիան» 28 միավորով 10-րդ տեղում է:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։