Մոուրինյո. Այս եզրափակիչն ամենակարեւորն է իմ կարիերայում

15:15   28 փետրվարի, 2015

Անգլիական լիգայի գավաթի խաղարկության այս եզրափակիչն ամենակարեւորն է իմ կարիերայում, ասել է Լոնդոնի «Չելսիի» գլխավոր մարզիչ Ժոզե Մոուրինյոն մարտի 1-ին կայանալիք հանդիպումից առաջ: Մրցակիցը կլինի Լոնդոնի «Տոտենհեմը»:

«Այս եզրափակիչն այժմ ինձ համար ավելի կարեւոր է, քան Չեմպիոնների լիգայինը: Ավելի կարեւոր է, քան նախկինում իմ ունեցած եզրափակիչները: Հիմար տեսք ունե՞մ, երբ այսպիսի բաներ եմ ասում: Սակայն բանն այն է, որ այս եզրափակիչը հաջորդն է: Բոլոր մյուս գավաթներն արդեն տեղ են գտել ակումբային թանգարանում: Իմ մեդալները տանն են, չեմ էլ հիշում, թե որտեղ են: Բայց ինձ համար միշտ ամենակարեւորը եղել է հաջորդ եզրափակիչը»,- Մոուրինյոյի խոսքը մեջբերում է dailymail-ը:

Մարտի 1-ին Լոնդոնի «Ուեմբլի» ստադիոնում կայանալիք «Չելսի» - «Տոտենհեմ» հանդիպումը կմեկնարկի Երեւանի ժամանակով 20:00-ին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։