«Ֆորմուլա-1»-ի կազմակերպիչները միավորվեցին
22:12 6 հունիսի, 2012«Ֆորմուլա-1» մրցաշարի կազմակերպիչները միավորվել են մեկ ասոցիացիայի մեջ, որպեսզի հնարավորություն ունենան պաշտպանել իրենց շահերը առաջնության կոմերցիոն իրավունքների տերերի հետ բանակցությունների ժամանակ:
Միավորումը ստացել է FOPA անվանումը (Formula One Promoters Association - «Ֆորմուլա-1»-ի պրոմոուտերների ասոցիացիա): Ասոցիացիայի նախագահ է դարձել Ավստրալիայի Գրան-պրիի պրոմոուտեր Ռոն Ուոքերը:
«Պատմականորեն մեր կարծիքները արտահայտելիս միասնականությունը չէր հերիքում: Ասոցիացիայի շնորհիվ մենք լսելի կդառնանք: Մենք ընդհանուր շահեր շատ ունենք, եւ ես կարծում եմ, կարեւոր է, որ դրանք հնչեցված լինեն»,- մեջբերում է Ուոքերի խոսքը ESPN-ը:
Ուոքերը նաեւ հույս է հայտնել, որ FOPA-ի շնորհիվ մրցարշավի կազմակերպիչները առանցքային հարցերը լուծելիս ազդեցություն ձեռք կբերեն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.