Արթուր Աբրահամ. Հաջորդ մրցակիցս կամ Ռոբերտ Շտիգլիցն է, կամ Ֆելիքս Շտուրմը
13:20 22 փետրվարի, 2015Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնի տիտղոսը պաշտպանած Արթուր Աբրահամը բրիտանացի Փոլ Սմիթի նկատմամբ երկրորդ հաղթանակից հետո խոսել է իր հնարավոր մրցակիցների մասին:
«Հարգանքներս Սմիթին, ով դիմացավ մինչեւ վերջ: Իմ հաջորդ մրցակիցը կլինի կամ Ռոբերտ Շտիգլիցը, կամ Ֆելիքս Շտուրմը: Տեսնենք, թե նրանցից ում հետ եմ հանդիպելու»,- 35-ամյա Աբրահամի խոսքը մեջբերում է Boxingscene-ը:
Հիշեցնենք, որ փետրվարի 21-ին Բեռլինում կայացած մենամարտում հայ բռնցքամարտիկը Փոլ Սմիթին դարձյալ հաղթեց մրցավարների միաձայն որոշմամբ՝ 116:112, 117:111, 117:111: Արթուր Աբրահամն աշխարհի չեմպիոնի տիտղոսը խլել է հենց գերմանացի Ռոբերտ Շտիգլիցից: Աշխարհի նախկին չեմպիոններ Շտուրմն ու Շտիգլիցը 2014-ի նոյեմբերի 9-ին Շտուտգարտում անցկացրել են մենամարտ, որն ավարտվել էր ոչ ոքի: Այդ մենամարտի հաղթողը պետք է հնարավորություն ստանար հանդիպել Արթուր Աբրահամի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.