Մահացել է հռչակավոր հոկեյիստ Վլադիմիր Կրուտովը

Տափօղակով հոկեյի ԽՍՀՄ-ի հավաքականի եւ Մոսկվայի ԲԿՄԱ-ի նախկին հարձակվող Վլադիմիր Կրուտովը մահացել է 52 տարեկանում: Հունիսի 4-ին Կրուտովը ներքին արյունահոսությամբ ծանր վիճակում տեղափոխվել է հիվանդանոց, սակայն բժիշկներին չի հաջողվել փրկել նրա կյանքը, հաղորդում է «Чемпионат.com»-ը:

Վլադիմիր Կրուտովն Օլիմպիական խաղերի կրկնակի եւ աշխարհի հնգակի չեմպիոն է: Նա խաղացել է լեգենդար հնգյակում Իգոր Լարիոնովի, Սերգեյ Մակարովի, Վյաչեսլավ Ֆետիսովի եւ Ալեքսեյ Կասատոնովի հետ: Լարիոնովի հնգյակը համարվում է հոկեյի պատմության լավագույն թիմերից մեկը: Վերջին շրջանում Կրուտովը հանդես էր գալիս «Հոկեյի լեգենդներ» վետերանների թիմում: