Վան Գալ. Մեր նպատակը Անգլիայի գավաթը նվաճելն է

15:16   14 փետրվարի, 2015

Մեր նպատակը տիտղոս նվաճելն է, դա կարող է լինել եւ Անգլիայի գավաթը, ասել է «Մանչեսթեր Յունայթեդի» հոլանդացի գլխավոր մարզիչ Լուի վան Գալը։ Անգլիայի գավաթի խաղարկության 1/8 եզրափակիչում «Մանչեսթեր Յունայթեդի» մրցակիցը «Պրեսթոն Նորտ Էնդն» է։

«Ամեն ինչ նախկինի նման է։ Աշխարհը կերկրպագի հետնապահին։ Ստիպված ենք լինելու խաղալ նույն պայմաններում, ինչ «Քեմբրիջի» հետ։ Շատ բարդ է լինելու։ Ծանր է խաղալ ամբողջ կազմով պաշտպանվող թիմի հետ։ Նպատակը Անգլիայի գավաթն է։ Թեեւ շատ բարդ է լինելու եզրափակիչ հասնելն ու հաղթելը»,- Վան Գալի խոսքը մեջբերում է dailymail-ը։

«Պրեսթոն» - «Մանչեսթեր Յունայթեդ» առաջին հանդիպումը տեղի կունենա փետրվարի 16-ին եւ կմեկնարկի Երեւանի ժամանակով 23։45-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։