Արթուր Աբրահամ. Խոստանում եմ, որ Սմիթը չի դիմանա մինչեւ 12-րդ ռաունդը
22:44 10 փետրվարի, 2015Մտադիր եմ նոկաուտով հաղթել Փոլ Սմիթին, որպեսզի հաղթանակի մասին որոշման պատասխանատվությունը վերցնեմ մրցավարներից, հայտարարել է պրոֆեսիոնալ բռցնքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը՝ խոսելով փետրվարի 21-ին Բեռլինում կայանալիք չեմպիոնական տիտղոսի պաշտպանության մենամարտի մասին:
Նշենք, որ NEWS.am Sport-ն Արթուր Աբրահամ - Փոլ Սմիթ մենամարտը կլուսաբանի Բեռլինից:
«Ես ցանկանում բոլորին հստակ ցույց տալ, թե ով է չեմպիոնը: Փոլ Սմիթը լավ ելույթ ունեցավ առաջին մենամարտում, բայց ես ավելի լավն էի: Ես չեմ հասկանում, թե ինչու է նա բրիտանական լրատվամիջոցներում խոսում մրցավարական սխալի մասին: Մրցավարներին նշանակում է ֆեդերացիան: Մրցավարը բազմամյա պատրաստություն է անցնում եւ միայն լավ դրսեւորվելուց ու համբավ ձեռք բերելուց հետո ստանում է չեմպիոնական տիտղոսի մենամարտ սպասարկելու իրավունք:
Ես անհանգստություն չունեմ: Մրցավարներից պատասխանատվությունը վերցնելու միակ միջոցը նոկաուտով հաղթելն է: Դա ավելի է մոտիվացնում ինձ: Ես խոստանում եմ, որ Սմիթը չի դիմանա մինչեւ 12-րդ ռաունդը»,- Աբրահամի խոսքը մեջբերում է Boxing Scene-ը:
Հիշեցնենք, որ Աբրահամն ու Սմիթն առաջին անգամ մենամարտել են 2014թ. սեպտեմբերին: Հայ բռնցքամարտիկը հաղթեց մրցավարների միաձայն որոշմամբ, որը սուլոցներով ընդունեցին բրիտանացի երկրպագուները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.