Super Bowl-ի ապօրինի խաղադրույքները գերազանցում են 3,8 միլիարդ դոլարը

00:33   28 հունվարի, 2015

Ամերիկյան ֆուտբոլի ազգային լիգայի գլխավոր հանդիպման (Super Bowl) համար արվող ապօրինի խաղադրույքներն արդեն գերազանցում են 3,8 միլիարդ դոլարը, հաղորդում է Bettingexpert-ը՝ հղում անելով Ամերիկյան խաղային ասոցիացիայի նախագահ Ջեֆ Ֆրիմանին, որն այդ մասին հայտարարել է ԱՄՆ-ի քաղաքների ղեկավարների հանդիպման ժամանակ: Օրինական խաղադրույքներ թույլատրվում է միայն Նեւադա նահանգի կազինոների բուքմեյքերական կետերում: Օրինական խաղադրույքները կազմում են 119,4 միլիոն դոլար:

2015թ. Super Bowl-ը տեղի կունենա փետրվարի 1-ին Արիզոնա նահանգի Գլենդեյլ քաղաքի Ֆինիքսի համալսարանի ստադիոնում: Ազգային լիգայի եզրափակիչը հայտնի է նաեւ աշխարհում ամենաթանկ հեռուստագովազդով: Այս տարի 30 վայրկյան տեւողությամբ գովազդային եթերաժամի գինը կլինի 4,5 միլիոն դոլար:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։