Իտալիայի հավաքականի խաղացողը ինքնասպան է եղել
17:58 4 հունիսի, 2012Հանդբոլի Իտալիայի հավաքականի խաղացող, 24-ամյա Ալեսիո Բիզորին ինքնասպան է եղել: Հունիսի 3-ին Բոլոնիայի կայարանի մոտ մարզիկը նետվել է գնացքի տակ, հաղորդում է Corriere dello Sport-ը: Հյուրանոցում Բիզորին գրություն է թողել` ներողություն խնդրելով հարազատներից:
Հանդբոլիստն ուղեւորվում էր երկրի հարավ, որտեղ պետք է մասնակցեր հունիսի 8-10-ը կայանալիք եվրոպական առաջնության որակավորման մրցաշարին: Ընդհանուր առմամբ, Բիզորին հավաքականի կազմում անցկացրել է 54 հանդիպում: Նա համարվում էր խոստումնալից խաղացող: Բիզորիի նախկին մարզիչ Ջուզեպե Տեդեսկոյի խոսքով, նման քայլի պատճառները պարզ չեն:
«Նա ոչ մի բանից չէր վախենում: Ես նրան տեսել եմ երկու շաբաթ առաջ, եւ Ալեսիոն ինչպես միշտ եռանդով էր լցված»,- ասել է Տեդեսկոն:
Մեկ շաբաթ առաջ ինքնասպանություն էր գործել իտալացի վոլեյբոլիստուհի Ջուլիա Ալբինին: Նա նետվել էր Ստամբուլի կամրջից: Ոստիկանությունը պարզել էր, որ ինքնասպանության պատճառներն անձնական են: Ջուլիան Ստաբուլ էր եկել վաղեմի սիրեցյալ Լորենցո Միչելիի մոտ, որը մարզում է տեղի «Էջազաչիբաշ» թիմը: Ամուսնացած տղամարդը աղջկան հայտնել էր հարաբերությունների խզման մասին` չենթադրելով ողբերգական հետեւանքները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.