Հենրիխ Մխիթարյանը մարզվում է «Բորուսիայի» ընդհանուր խմբում (ֆոտո)
16:32 23 հունվարի, 2015Հայաստանի հավաքականի կիսապաշտպան Հենրիխ Մխիթարյանը վերադարձել է Դորտմունդի «Բորուսիայի» ընդհանուր խումբ: Հունվարի 23-ին 26-ամյա ֆուտբոլիստն այս տարվա առաջին մարզումն է անցկացրել գերմանական ակումբի ընդհանուր խմբում, հայտնում է «Բորուսիայի» ֆեյսբուքյան էջը:
Մխիթարյանը վնասված էր ստացել դեկտեմբերի 13-ին կայացած Բեռլինի «Հերտայի» հետ Գերմանիայի առաջնության խաղում եւ 3 շաբաթ բաց թողնելուց հետո վերջին շրջանում մարզվում էր անհատական ծրագրով:
Հիշեցնենք, որ Գերմանիայի առաջնության 17 տուրերից հետո «Բորուսիան» 15 միավորով նախավերջին տեղում է: 18-րդ տուրում Յուրգեն Կլոպի թիմը հունվարի 31-ին կհյուրընկալվի Լեւերկուզենի «Բայերին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։