«Մանչեսթեր Յունայթեդի» պաշտպան Լյուկ Շոուն եւ թիմի հոլանդացի հարձակվող Ռոբին վան Պերսին վերականգնվել են վնասվածքներից եւ կարող են մասնակցել Անգլիայի գավաթի խաղարկության «Քեմբրիջի» դեմ խաղին, որը կկայանա հունվարի 23-ին, հայտնում է ակումբի թվիթերյան էջը:
Երկու ֆուտբոլիստներն էլ բաց էին թողել ՔՊՌ-ի դեմ Պրեմյեր լիգայի խաղը («Յունայթեդը» հաղթել է 2։0 հաշվով), բայց թիմի հոլանդացի գլխավոր մարզիչ Լուի վան Գալը նշել է, որ նրանք պատրաստ են դուրս գալ խաղադաշտ:
Թիմի պաշտպաններ Ջոն Էվանսը, Քրիս Սմոլինգը եւ կիսապաշտպան Էշլի Յանգը չեն մասնակցի «Քեմբրիջի»դեմ խաղին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։