Ռոնալդու. «Աթլետիկոն» պաշտպանական ֆուտբոլ է խաղում
19:36 16 հունվարի, 2015«Աթլետիկոն» պաշտպանական խաղ է ցուցադրում եւ հույսը դնում է ստանդարտների վրա, ասել է Մադրիդի «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն:
«Աթլետիկոն» գրավիչ խաղ չի ցուցադրում: Նրանք պաշտպանական ֆուտբոլ են խաղում եւ հույսը դնում են ստանդարտների վրա: Բայց այդ մարտավարությունը աշխատում է, եւ նրանց խաղացողները եւ մարզիչը արժանի են հարգանքի:
Միշտ չէ, որ դու կարող ես քո լավագույն խաղը ցուցադրել: Դուք չեք կարող առանձնացնել մի ֆուտբոլիստի, ով անընդհատ իր լավագույն խաղն է ցուցադրում: Ես այլ մոլորակից չեմ: Հնարավոր է, ես դեռ իդեալական մարզավիճակում չեմ, բայց աստիճանաբար կհասնեմ դրան:
Ծնկի ցավն այլեւս չի անհանգստացնում ինձ: Մոտ երկու շաբաթ ես ստիպված էի ցավով խաղալ, բայց այժմ ամեն ինչ կարգին է»,- Ռոնալդուի խոսքը մեջբերում է Goal.com-ը:
Հիշեցնենք, որ Իսպանիայի գավաթի խաղարկության 1/8-րդ եզրափակիչի պատասխան խաղում «Ռեալը» տանը չկարողացավ առավելության հասնել «Աթլետիկոյի» նկատմամբ: Խաղն ավարտվեց 2:2 հաշվով: Երկու հանդիպումների արդյունքում «Աթլետիկոն» 4:2 հաշվով պարտության մատնեց Արքայական ակումբին եւ դուրս եկավ Իսպանիայի գավաթի քառորդ եզրափակիչ, որտեղ կմրցի «Բարսելոնայի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.