Լեւոն Արոնյանը՝ Բաքվում խաղալու մասին. Դանակի դեմ պետք է փորձենք խաղաղությամբ հասնել հաղթանակի

13:55   20 դեկտեմբերի, 2014

Յուրաքանչյուր հայ մարզիկ ինքը պետք է մտածի, որոշի, խորը վերլուծի՝ Բաքվում կայանալիք Եվրոպական խաղերին մասնակցելու մասին: Ես ինքս մինչ օրս չեմ կարողանում վերջանական պատասխանել, ես կմասնակցեմ երբեւէ, թե ոչ:

Այս մասին լրագրողների հետ հանդիպման ընթացքում Երեւանի շախմատի տանը ասաց գրոսմայստեր Լեւոն Արոնյանը՝ մեկնաբանելով Բաքվում կայանալիք Եվրոպական խաղերին Հայաստանի մասնակցության հարցը:

«Վերջերս հայկական սպորտում անընդհատ քննարկվում է հարեւան երկրում, մասնավորապես Բաքվում կայանալիք մրցաշարերում Հայաստանի մասնակցության հարցը: Սա շատ բարդ եւ ցավոտ հարց է: Ես ինքս մտադրություն ունեմ մասնակցել, բայց դա շատ երկար, խորը մտածելու հարց է: Պետք է մտածենք՝ ինչպես անել: Նախկինում միշտ դեմ էի Ադրբեջանում որեւէ մրցաշարի մասնակցելու, բայց ժամանակի ընթացքում մտադրությունս փոխվեց: Հիմա հստակ չեմ կարող ասել, որ կմասնակցեմ, կխաղամ: Բայց մտադրությունս փոխել եմ եւ չեմ ասի՝ չեմ մասնակցելու: Գուցե դա ինչ-որ քրիստոնեական մի ուժ է՝ դանակի դեմ պետք է փորձենք խաղաղությամբ հաղթանակի հասնել: Սա է իմ մոտեցումը: Գիտեմ, որ մեր մյուս մարզաձեւերի մարզիկները եւս պատրաստվում են Եվրոպական խաղերին: Դեռեւս Հայաստանը վերջնական պատասխան չի տվել: Շատ դժվար հարց է, ամեն մարզիկ ինքը պետք է որոշի՝ մասնակցել, թե ոչ: Ես շատ եմ մտածել՝ կմասնակցեմ երբեւէ, թե ոչ, բայց մինչեւ վերջ էլ դեռ պատասխան չունեմ»,- ասաց Լեւոն Արոնյանը:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։