Ուրուգվայական «Պենյարոլ» ֆուտբոլային ակումբի նախագահական ընտրություններից առաջ բոլոր թեկնածուները հայտարարել են, որ հրաժարվում են ադրբեջանցի հովանավորներից, տեղեկացնում է prensaarmenia.com-ը:
Ուրուգվայի ամենատիտղոսակիր թիմերից մեկի նախագահի թեկնածուները երկրի համար անընդունելի են համարել արգենտինական «Սան Լորենցոյի» նկատմամբ Ադրբեջանի պահանջները:
Ադրբեջանը խոստացել է ֆինանսապես աջակցել «Սան Լորենցոյին», եթե ակումբում չհայտնվեն հայկական արմատներ ունեցող ֆուտբոլիստներ: «Պենյարոլի» գործող նախագահ Խուան Պեդրո Դամիանին հայտարարել է, որ նման առաջարկ ստանալու դեպքում կմերժեն Ադրբեջանին: Նախագահի թեկնածու Մարսելո Արեկոն զարմանքն է հայտնել, որ Մադրիդի «Աթլետիկոն» նման պայմաններով համաձայնել էր ստանալ Ադրբեջանի ֆինանսական աջակցությունը:
«Կարծում եմ՝ նման առաջարկն անթույլատրելի է: Այն ամոթալի է ցանկացած ակումբի համար»,- ասել է Արեկոն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։