Միշա Ալոյան. Միշտ ցանկություն եմ ունեցել անցկացնել պրոֆեսիոնալ մենամարտեր
11:20 29 նոյեմբերի, 2014Բռնցքամարտի աշխարհի կրկնակի չեմպիոն, 2012թ. Լոնդոնի Օլիմպիական խաղերի բրոնզե մեդալակիր Միշա Ալոյանը (52 կգ քաշային կարգ, Ռուսաստան) միշտ ցանկություն է ունեցել տեղափոխվել պրոֆեսիոնալ ռինգ, սակայն առայժմ գլխավոր նպատակը 2016թ. Ռիոյի Օլիմպիական խաղերի ուղեգիր նվաճելն է:
«Առաջիկայում իմ գլխավոր խնդիրը հայրենի Նովոսիբիրսկում անցկացվող AIBA Pro Boxing մրցաշարի հաղթողի կոչումը եւ 2016թ. Ռիոյի Օլիմպիական խաղերի ուղեգիր նվաճելն է: Ցավոք, AIBA Pro Boxing-ի հաղթողը նույն մրցաշրջանում իրավունք չունի մասնակցել աշխարհի առաջնությանը: Ցավալի է, քանի որ ես ցանկանում եմ հանդես գալ 2015թ. սեպտեմբերին կայանալիք աշխարհի առաջնությունում եւ երրորդ անգամ ոսկե մեդալը նվաճել: Բայց եթե չստացվի դա անել հաջորդ տարի, ապա ես դեռ կհասցնեմ հետագայում կատարել ցանկությունս:
Միշտ էլ հետեւել եմ պրոֆեսիոնալ բռնցքամարտի մենամարտերին: Դրանց մասնակցելու ցանկություն միշտ ունեցել եմ: Բայց հիմա ես շատ եմ հավանում AIBA Pro Boxing նախագիծը, ինչը պակաս պրոֆեսիոնալ բռնցքամարտ չէ»,- Միշա Ալոյանի խոսքը մեջբերում է Rsport-ը:
Նովոսիբիրսկը ներկայացնող բռնցքամարտիկը AIBA Pro Boxing-ի մրցաշարում արդեն տարել է երկու հաղթանակ: Օլիմպիական ուղեգիր նվաճելու համար անհրաժեշտ է տանել եւս երկու հաղթանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.