Վարպետության դաս՝ հայ դաունհիլերների համար
21:49 17 նոյեմբերի, 2014Առաջին անգամ Հայաստանում էր դաունհիլի վարպետ, լեռնային էքստրեմալ հեծանվասպորտի բազմակի չեմպիոն, լեգենդար սլովակ Ֆիլիպ Պոլկը: Դաունհիլը (downhill - վայրէջք բլրից) կամ արագ վայրէջքը լեռնային հեծանվասպորտի էքստրեմալ տեսակ է, որը ենթադրում է մրցուղու հաղթահարում որոշակի ժամանակահատվածում: Դաունհիլին բնորոշ մրցուղին բաղկացած է տարբեր հատվածներից՝ զառիթափ վայրէջքներ, կտրուկ շրջադարձեր, անհարթություններ՝ լի փոսերով ու բլրակներով, ինչես նաեւ այլ խոչընդոտներ: Մրցուղու վրա հեծանվորդը սլանում է միջինը մոտ 25 կմ/ժ արագությամբ:
Ֆիլիպ Պոլկի այցի նպատակը Red Bull Local Hero մրցավազքին մասնակցելն էր, որն անցկացվում է աշխարհի շատ երկրներում: Հայաստանի դաունհիլերները հնարավորություն ունեցան հանդիպելու, շփվելու եւ ստանալու խորհուրդներ դաունհիլի լեգենդից: Հեծանվորդների հանդիպումը կայացավ Կոտայքի մարզում:
Մրցավազքին մասնակցեց 17 հայ հեծանվորդ: Նախ Ֆիլիպ Պոլկն անցկացրեց վարեպության դաս ծովից 2100 մ բարձրության վրա, ապա 15 րոպեում ցուցադրական վայրէջք կատարեց: Տեղացի հեծանվորդները փորձեցին կրկնել հայտնի հեծանվորդի ցուցանիշը: Երկրորդ վայրէջքին հեծանվորդներն ավելի պատրաստ էին ու գետեին՝ ինչպես արագ իջնել բլրից եւ առանց ընկնելու շրջադարձ կատարել:
Ֆիլիպը նշել է, որ Հայաստանի լեռնային տեղանքը եւ քաղաքային շինությունները իդեալական են դաունհիլի համար ու հաճույքով կվերադառնա Հայաստան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.