Ղազախստանի Ալմաթի քաղաքում ավարտին մոտեցող ծանրամարտի աշխարհի առաջնության նախավերջին օրը պայքարի մեջ մտավ պատանիների օլիմպիական չեմպիոն Սիմոն Մարտիրոսյանը, ով 105 կգ քաշային կարգում գրավեց 7-րդ տեղը: 17-ամյա ծանրորդը նորամուտը նշեց մեծահասակների մրցաշարում:
Պոկում վարժությունում Մարտիրոսյանը գրանցեց 183 կգ, իսկ հրում վարժությունում հաջող կատարեց միայն առաջին մոտեցումը՝ բարձրացնելով 213 կգ: Նա անհաջող հրեց 220 եւ 221 կգ-ն: Երկամարտի 396 կգ-ն միայն 7-րդ արդյունքն էր:
Երկամարտի 432 կգ արդյունքով աշխարհի չեմպիոն հռչակվեց ղազախ Իլյա Իլյինը, ով միայն անձնական քաշով գերազանցեց ուզբեկ Ռոսլան Նուրուդինովին: Ռուսաստանը ներկայացնող հայ ծանրորդ Դավիթ Բեջանյանը երկամարտի 427 կգ արդյունքով գրավեց երրորդ տեղը՝ նվաճելով բրոնզե մեդալ:
Հիշեցնենք, որ Չինաստանի Նանջինգ քաղաքում կայացած 2-րդ պատանեկան Օլիմպիական խաղերում Սիմոն Մարտիրոսյանը հանդես էր եկել գերծանր քաշային կարգում (+85 կգ) եւ երկամարտում հավաքել էր 391 կգ (170+221)՝ սահմանելով պատանիների ռեկորդ: Նանջինգում նրա անձնական քաշը 110 կգ էր:
Ծանրամարտի աշխարհի առաջնություն
Տղամարդիկ, 105 կգ
1. Իլյա Իլյին (Ղազախստան) - 432 կգ (190+242)
2. Ռոսլան Նուրուդինով (Ուզբեկստան) - 432 կգ (193+293)
3. Դավիթ Բեջանյան (Ռուսաստան) - 427 կգ (187+240)
7. Սիմոն Մարտիրոսյան (Հայաստան) - 396 կգ (183+213)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։