Der Westen. Հենրիխ Մխիթարյանը դարձյալ ցուցադրեց իր աշխատասիրությունը
11:44 10 նոյեմբերի, 2014Դորտմունդի ու Մյոնխենգլադբախի «Բորուսիաների» միջեւ գերմանական Բունդեսլիգայի 11-րդ տուրի հանդիպումից հետո Der Westen-ը 5 բալային համակարգով գնահատել է Յուրգեն Կլոպի թիմի ֆուտբոլիստների խաղը: Հայաստանի հավաքականի կիսապաշտպան Հենրիխ Մխիթարյանը արժանացել է 2.5 բալի:
«Մխիթարյանը դարձյալ ցուցադրեց իր աշխատասիրությունը եւ լավ աշխատանք կատարեց պաշտպանողական գործողությունների ժամանակ: Հենրիխը լավ էր աշխատում գնդակով, իսկ նրա հիանալի փոխանցումից հետո Լուկաշ Պիշչեկը պետք է բացեր խաղի հաշիվը: Վերջնամասում Մխիթարյանը հիանալի էր համագործակցում Գրոսկրոյցի եւ Օբամեյանգի հետ եւ կարող էր դառնալ գոլի հեղինակ»,- գրում է կայքը:
Հիշեցնենք, որ «Բորուսիաների» դեբիում Հենրիխ Մխիթարյանը հանդես էր գալիս աջ կիսապաշտպանի դիրքում եւ խաղաց 90 րոպե: Խաղի միակ գոլը 58-րդ րոպեին խփեց Մյոնխենգլադբախի «Բորուսիայի» եւ Գերմանիայի հավաքականի կիսապաշտպան Կրիստոֆ Կրամերը, ով գրավեց սեփական դարպասը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։