Լեւոն Արոնյանը ոչ ոքի խաղաց Դինգ Լիրենի հետ

Մոսկվայում ընթացող աշխարհի 9-րդ չեմպիոն Տիգրան Պետրոսյանի հուշամրցաշարի երրորդ տուրում հայկական շախմատի առաջատար Լեւոն Արոնյանը սպիտակներով մրցեց Չինաստանի ուժեղագույն գրոսմայստեր Դինգ Լիրենի հետ եւ 78-րդ քայլում համաձայնեց ոչ ոքի արդյունքի: Լեւոն Արոնյանը, Դինգ Լիրենը եւ հունգարացի Պետեր Լեկոն վաստակել է 1.5-ական միավոր եւ բաժանում են երրորդ տեղը: Սա Արոնյանի երրորդ անընդմեջ ոչ ոքին էր:

Հիշեցնենք, որ Արոնյան - Լիրեն պարտիայի առաջին քայլը կատարել էր Հայաստանի նախագահ, Հայաստանի շախմատի ֆեդերացիայի ղեկավար, հուշամրցաշարի կազմկոմիտեի նախագահ Սերժ Սարգսյանը:

Միանձնյա առաջատարը ռուսաստանցի Ալեքսանդր Գրիշչուկն է, որը տարավ երրորդ հաղթանակը: 2 միավոր ունի Վլադիմիր Կրամնիկը:

Տիգրան Պետրոսյանի հուշամրցաշար, երրորդ տուր

Լեւոն Արոնյան (Հայաստան) - Դինգ Լիրեն (Չինաստան)՝ ոչ ոքի

Պետեր Լեկո (Հունգարիա) - Վլադիմիր Կրամնիկ (Ռուսատան)՝ ոչ ոքի

Ալեքսանդր Գրիշչուկ (Ռուսաստան) - Ալեքսանդր Մորոզեւիչ (Ռուսաստան)՝ 1:0

Էռնեստո Ինարկիեւ (Ռուսաստան) - Բորիս Գելֆանդ (Իսրայել)՝ ոչ ոքի