Լավ մարզավիճակում եմ, բայց պետք է սպասեմ իմ հնարավորությանը: Այդ մասին NEWS.am Sport-ի թղթակցի հետ զրույցում ասաց Հայաստանի ազգային հավաքականի եւ չեխական «Պրիբրամի» պաշտպան Լեւոն Հայրապետյանը՝ մեկնաբանելով ակումբային թիմի մեկնարկային կազմում չընդգրկվելը:
Լեւոն, արդեն հայտավորվում ես «Պրիբրամի» հիմնական կազմում, սակայն դեռ խաղաժամանակ չես ստանում: Միայն մեկ անգամ փոխարինման դուրս եկար մի քանի րոպեով: Ինչո՞ւ քեզ հնարավորություն չեն տալիս:
Նոր մարզիչի գալու պես մենք բազմաթիվ հաղթանակներ ենք տարել, եւ նա չի ցանկանում փոխել թիմի կազմն ու մարտավարությունը: Ես գտնվում եմ լավ մարզավիճակում: Ինձ մոտ ամեն ինչ լավ է, պարզապես պետք է սպասեմ իմ հնարավորությանը:
Գուցե, հավաքականում ելույթներդ նպաստեցի՞ն հիմնական թիմ վերադառնալուն:
Ոչ, ես մինչ այդ էլ արդեն հայտավորվում էի:
Եթե այսպես շարունակվի եւ մշտական խաղային պրակտիկա չունենաս, ավելի լավ չի լինի նախկինի նման հանդես գալ «Պրիբրամի» երկորդ թիմում:
Կարծում եմ՝ եթե այս շաբաթ չխաղամ առաջին թիմից, կխաղամա երկորդ թիմում: Իսկ այս շաբաթ մենք երկու խաղ ունեինք՝ երեքշաթի եւ շաբաթ, եւ դա չէր կարող լինել:
Հնարավո՞ր է՝ ձմռանը լքես չեխական թիմը:
Դեռ չեմ կարող ասել:
Վերա Մարտիրոսյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։